Showing posts with label அழகு. Show all posts
Showing posts with label அழகு. Show all posts

Sunday, April 4, 2021

முதிர்வு


தலையின் நரையும்

தோலின் திரையும்

முதுகின் மூப்பும்

மானுட வாழ்வின்

நிறைக்குக் குறிகைகள்.


எளியோரின் எளிமையும்

வலியோரின் வலிமையும்

கானலேயெனக் காட்டும்

மூப்பும் இறப்பும்

இயற்கை வைத்த அறுதிகள்.


முதிர்ந்த கனியின் விதைக்குள்ளும்

உறங்குகின்றன பல கனிகள்.

இறக்கும் மனிதர் வாழ்வேதான்

அவர் அடுத்த தலைமுறைக்கு

இடும் கொடைகள்.

Thursday, September 2, 2010

அழகி

கயலென விழி
கருங்காடென கூந்தல்
தங்கமென தேகம் 
கொடியென இடை 
அன்னமென நடை
சங்கீதமென சிரிப்பு 
எதுவும் அழகு தரவில்லை - 
வெகுளியாய் விழித்த கிராமத்தானை 
ஏளனமாய் ஏறிட்டவளுக்கு.

Pages