ஐந்தறிவாசான்

பிறருழைப்பில் பேர்வாங்கப்
பாரில் பலரிருக்கையிலே
பறவைகள் உங்களுக்கோ
பிறப்பே தன்முனைப்பால்

தம்மக்கள் ஆனாலும்

தம்வாழ்க்கை அவர்பயில

வளர்த்துவிட்டுத் துரத்திடுவாள்

திடம்மிக்க பறவைத்தாய்

பெரும் வானக் கித்தானில் 

சிறகால் வண்ணம்தீட்டிடவே

தன்னை இலகுவாக்கிக்

கீழ்மை விட்டெழுகின்றீர்

உம் இடமே உலகமென்று

ஓரிடம் ஒட்டித் தேங்காமல்

விண்கீழ் யாதும் ஊரென்று

பருவத்திற்கிடம்மாறுகின்றீர்

ஐந்தறிவென உமைக்கொள்ளும்

ஆறறிவு மானிடர்க்குப் 

பாடங்கள் பயிற்றுவிக்கும்

பறவைகளே! நன்றியேற்பீர்! 

ஜனவரி'22 காட்டுமஞ்சரி இதழின் பறவைகள் பற்றிய சிறப்பிதழில் வெளியானது.

பறவை மனம்

நீர்க்கிண்ணம் தானியச்சிதறல்

கம்பியூஞ்சல் எச்சமணம்

கைதியின் உலகம் சுருங்கியடங்கியது

கூண்டின் அழுக்குக்கம்பிகளுள்

தன்போல் கீச்சும் 

சக கைதியே உறவு

மனிதக்கை வீசும

பழந்தானியமே உணவு

வாழ்க்கைத் தேவைகள்

தேடலின்றிக் கைசேர

தன்விருப்பம் அறியா

அறியாமை வாழ்க்கை

இரும்புக் கம்பிகளுள்

பறவைச் சிறை

இல்லாக் கூண்டுகளுள்

மனிதச் சிந்தை

வானளக்கவே சிறகு

இடம்பெயரவே உலகு

கூண்டுவெளி வாழ்க்கை

பல்வண்ணப் பேரழகு

ஜனவரி'22 காட்டுமஞ்சரி இதழில் வெளியானது.