நகர அனுபவங்கள்

*அரசியல் கட்சிகளின் புதிய வழிமறிப்பு உத்தி -

நடைபாதையில் ஆளுயர பதாகைகள்.

அனைத்துக் கட்சிகளும் "பாதை மறிப்பு" கழகங்களாய்.

*சாலைகள் கழுவும் சேவைத் தொழிலாளர்கள் -

மாநகராட்சி குடிநீர் ஊர்திகள்.

*காவல்காரர் உறங்க -

அவர் வேலை நாயிடத்தில்.

*நிறைய குப்பை

ஆங்காங்கே மணல் -

கடற்கரை.

*நகர முடியாமல் நகர்ந்து

முனகியபடியோடி

பிரசவித்துப் பெருமூச்சுவிடும்

நிரந்தர கர்ப்பிணிகள் -

மாநகரப் பேருந்துகள்.